Këngëtari i njohur shqiptar, Stresi dhe Juliana Nura ishin dy konkurentët më të fortë brenda “BBVK”.
Ndonëse brenda shtëpisë nuk kishin një marrëdhënie të mirë së bashku, mesa duket pas daljes nga ky spektakël ata janë afruar më shumë me njëri-tjetrin.
Lajmin e ka bërë të ditur prezantuesi i “BBVK”, Alaudin Hamiti i cili ka publikuar në Instagram një foto të dyshes teksa po darkonin së bashku.
Mirëpo nuk ka mjaftuar vetëm kjo pasi krahas fotos së postuar në InstaStory, ai gjithashtu ka bërë edhe një shkrim, i cili tregon që me të vërtetë dyshja i kanë ulur ‘gjakrat’.
“Shikoni se çfarë telefonate më erdhi në videocall. Definitivisht këta as jashtë nuk munden që të qëndrojnë pa njëri-tjetrin. Luftë apo paqe?”, ka shkruar Hamiti.
Megjithatë nuk ka kaluar shumë kohë dhe Stresi e ka ripostuar këtë foto në InstaStory ku ka shkruar: “Paqeeeeeee”, duke pohuar kështu që marrëdhënia e tyre është rregulluar.
