Zyra e kryetarit të mandatuar të Bashkisë Himarë, akuzon Prokurorinë e Vlorës se ka falsifikuar dokumentin për dekriminalizimin e Fredi Belerit.
Në një reagim të publikuar edhe nga dega e “Omonias” në Himarë, thuhet se Beleri nuk rezulton i dënuar, sipas dokumentit që është lëshuar nga portali qeveritar “e-Albania”.
Zyra e Belerit pretendon se vendosur prova të falsikfikuara në dosjen hetimore me qëllim krijimin e një imazhi negativ për Belerin, i cili ndodhet pas hekurave që prej 14 majit për blerje votash.
Beleri u kap në flagrancë, sipas akuzës, duke dhënë 400 mijë lekë të vjetra për blerjen e 8 votave.
Arrestimi i tij ka sjellë reagimin e ashpër të Athinës zyrtare, duke kërcënuar se do të bllokojë integrimin e Shqipërisë në Bashkimin Europian.about:blank
Reagimi i plotë:
Zyra e kryetarit të mandatuar të Bashkisë Himarëm
Në vijim të deklaratës së Zyrës së Kryetarit të Mandatuar të Bashkisë Himarë z. Beleri për manipulimin e provave në dosjen hetimore në ngarkim të tij , po ju paraqesim dëshminë e falsifikuar të gjendjes gjyqësore të z. Beleri ku rezulton i dënuar.
Realisht sipas gjendjes gjyqësore të vërtetë dhe të lëshuar nëpërmjet portalit e- albania , z. Beleri figuron i pa dënuar.
Më poshtë po ju paraqesim gjendjen gjyqësore të falsifikuar prej Prokurorisë Vlorë me nr 0 prot dt 12.05.2023 si edhe 3 të tjera të vërteta të lëshuara në momentin e kandidimit të z. Beleri depozituar në KQZ si edhe pas momentit të arrestimit të tij ku ai figuron i pa dënuar!
Vendosja e provave të falsifikuara në fashikullin hetimor me qëllim kushtëzimin e vendimeve të gjykatave lidhur me rrezikshmërinë shoqërorë te z. Beleri dhe krijimin e një imazhi negativ për të është fundi i drejtësisë!
Akoma më i rëndë është fakti se Prokuroria Vlorë dhe Prokuroria e Posaçme refuzojnë të heqin nga fashikulli hetimor provën e falsifikuar dhe vendosjen e gjendjes gjyqesore të vërtetë për z. Beleri.
Është e pa precedente në historinë e drejtësisë shqiptare që në fashikullin hetimor, vet organet që janë marrë me hetimin e çështjes të fabrikojnë prova dhe të administrojnë akte të falsifikuara.
Në vijim do t’i paraqiten opinionit publik prova të reja edhe më të rënda të falsifikimit të dosjes hetimore në ngarkim të z. Beleri si edhe emrat konkrete të prokurorëve dhe oficerëve të policisë të përfshire në skandal!
