Max Verstappen nuk ndalet në Formula 1. Piloti i Red Bull ka korrur suksesin e radhës, teksa u rendit i pari në garën e Britanisë së Madhe, të zhvilluar në pistën e Silverstone. Verstappen tregoi se ishte në një ditë të mirë, duke lënë mbrapa të gjithë rivalët. Ky ishte triumfi i gjashtë radhazi për të, ose fitorja e tetë sezonale.
Në pozicionin e dytë u rendit Norris me McLaren, ndërsa Hamilton me Mercedesin e tij përmbyll top-3. Vendi i katërt i takoi australianit Piastri dhe Rusell e pa veten në vendin e pestë.
Vetëm vendi i gjashtë për Perez (Red Bull), sakaq spanjolli Alonso u rendit menjëherë pas tij. Albon, Leclerc dhe Sainz plotësojnë 10-shen e parë.
