Kryeministri Edi Rama ka zhvilluar një takim me kryeministrin e Greqisë, Kyriakos Mitsotakis në Samitin e NATO-s në Lituani.
Lajmin e kanë bërë të ditur mediat greke, sipas të cilave, Mitsotakis ka kërkuar zgjidhjen e çështjen e arrestimit të kryebashkiakut të Himarës, Fredi Belerit.
Mitsotakis ka theksuar se kjo është një çështje e shtetit ligjor në Shqipëri dhe është një nga kriteret e anëtarësimit të Shqipërisë në BE.
Vlen të theksohet se Beleri ndodhet në burg prej më shumë se 50 ditësh, ku denoncoi qeverinë Rama për “regjim terrori” dhe tentativë për të fshehur provat që tregojnë sekuestrimin e pronave të minoritetit etnik grek.
