Dylan Sprouse thuhet se është martuar me të dashurën e tij prej pesë vitesh, Barbara Palvin. Modelja me origjinë hungareze deklaroi më parë se “nuk kishte se si të mos martoheshim në Hungari”.
Ish-aktori i Disney thuhet se u martua me të dashurën e tij prej më shumë se pesë vitesh Barbara Palvin gjatë një dasme në Hungari, sipas gazetës lokale Bors Online, e cila publikoi foto të modeles me një fustan të bardhë nusërie dhe vello më 15 korrik.
Ari Fournier – e dashura e vëllait binjak të Dylan, Cole Sprouse – postoi disa story nga vizita e tyre në Hungari në Instagramin e saj.
Çifti ndau publikisht lajmin e fejesës së tyre në qershor, duke vënë në dukje në një intervistë të përbashkët se fejesa u zhvillua në shtator 2022.
“E dija që po ndërtonim këtë histori”, tha ajo për V Magazine në qershor. ” Kështu që unë jam shumë e lumtur që ne përfunduam duke e bërë atë në mënyrën tonë”.
Kur erdhi puna për planifikimin e dasmës, modelja e Victoria’s Secret zbuloi se “nuk ishte aspak nervoze për dasmën”.
Në fakt, Palvin pranoi se fejesa e stresoi më shumë se dasma.
“Dua të them që një djalë ka kohë për t’u përgatitur për një propozim – Dylan e mbajti unazën për shtatë muaj para se të shtronte pyetjen – por për mua, ishte pikërisht atëherë dhe aty,” kujtoi ajo.
“E kam ditur që kur filluam të takohemi se doja të martohesha me të, por është një vendim i madh”, tha ajo.
Për më tepër, 29-vjeçarja zbuloi se vendndodhja e tyre e dasmës në Hungari ishte e panegociueshme që në fillim.
“Jam e emocionuar të tregoj atë anë të vetes sime dhe të shfaq kulturën time, vendet ku u rrita dhe vendet ku kam qenë”, vazhdoi Palvin.
“Ndjehem sikur shumë njerëz do të mësojnë edhe më shumë për mua në këtë mënyrë. E di që nuk kishte si të mos martoheshim në Hungari, sepse prindërit do të më kishin vrarë ”, tha modelja.
Historia e dashurisë së çiftit daton në vitin 2018 kur çifti nisi të takohej. Në shtator 2018, ata e kishin zyrtarizuar lidhjen e tyre në Instagram dhe në tapetin e kuq në një festë të Javës së Modës në Nju Jork.
