Kryeministri i Kosovës, Albin Kurti ka reaguar në lidhje me përmbytjet masive të shkaktuara nga stuhitë dhe reshjet e mëdha të shiut në Slloveni dhe Austri.
Kurti në ‘Twitter’ shkruan se ngjarjet me të cilat po përballen dy vendet i kujtojnë brishtësinë e jetës përballë rrezikut mjedisor dhe përpjekjet për të luftuar kërcënimet.
“Mendimet dhe ngushëllimet tona më të thella janë me ata të prekur nga përmbytjet shkatërruese në Slloveni dhe Austri. Ngjarjet si këto na kujtojnë brishtësinë e jetës përballë rrezikut mjedisor dhe rëndësinë e solidaritetit si dhe veprimit të përbashkët për të luftuar kërcënimet”, ka shkruar Kurti.
