Organizatorët e ndeshjes Partizani-Roma, për të kompletuar këtë miqësore luksi, kanë ftuar këngëtarin “Noizy” të performojë 15 minuta në pushimin mes pjesëve. Gjithçka do të jetë si një festë, me tifozët dhe lojtarët që do të shijojnë ndeshjen në mënyrën e tyre. Skuadrat luajnë për “qejf”, pas pasur objektiva, por më tepër për të kënaqur tifozët që kanë tejkaluar pritshmëritë me interesimin e jashtëzakonshëm Në Letoni Zekolli një befasi, Grezda po kap formën Iu besua formacioni në një prej ndeshjeve më të rëndësishme dhe për më tepër luajti si mbrojtës i djathtë, edhe pse është sallaks. 21- vjeçari Leart Zekolli bëri një paraqitje fantastike në debutimin e tij si titullar me fanellën e Partizanit në Europë.
Trajneri Zoran Zekiç i besoi deri në fund dhe Zekolli dha asistin e golit të parë, ndërsa pësoi një dëmtim të lehtë në minutat shtesë. Në sezonin e kaluar ai u pikas nga italiani Xhovani Kolela dhe tashmë po merr besim edhe nga kroati i stolit. Por, sinjale pozitive ndaj Valmierës dha padyshim edhe Eros Grezda. Në 45 minuta që luajti, teksa zëvendësoi Mbanë e dëmtuar, sulmuesi i krahut tregoi një gjendje më të mirë se ndeshjet e kaluara, duke u bërë protagonist edhe në asistin e golit të dytë. Kompanitë e basteve ndërkombëtare shohin Romën si favorite të madhe për të fituar miqësoren e sotme në orën 20:00 në stadiumin “Air Albania”. Koeficienti për triumfin e italianëve është vetëm 1.38. Nga ana tjetër, fitorja e mundshme e kampionëve të Shqipërisë kuotohet me 7.60. Ndërsa barazimi në miqësoren e sotme ka koeficientin 5.05. Gjithsesi, bëhet fjalë vetëm për një ndeshje testuese, në një kohë që emri dhe historia e Romës bën që të jetë superfavorite në baste.
BASTET PËR TESTIN – që kanë. Gjithsesi, në pjesën e parë mendohet që Murinjo të hedhë në fushë formacionin më të mirë, pasi kjo ndeshje mund të quhet edhe si një provë gjenerale për verdhekuqtë, të cilët më 20 gusht do të nisin Serinë A me një ndeshje në stadiumin “Olimpiko” ndaj Salerintanës.
LODHJA TE “DEMAT” – Mbërritën në Tiranë duke u gdhirë e premtja në orën 04:00, pushuan deri në pasdite dhe më pas në 19:00 dolën në fushë. Partizani nuk kishte kohë të festonte pas triumfit në ndeshjen e parë në Letoni ndaj Valmierës, pasi miqësorja me Romën është në prag dhe skuadra duhet të ishte në tonus edhe dje. Trajneri Zoran Zekiç praktikoi më tepër një seancë shkrythëse për titullarët. Lodhja e ndeshjes dhe udhëtimit është ndierë jo pak, në një kohë që disa prej titullarëve kanë probleme fizike. Mirëpo, kundërshtari është Roma dhe kanë një motivim shtesë, pasi duan ta shijojnë në maksimum këtë miqësore dhe për më tepër kërkojnë minuta të gjithë. Zekiç synon që ruhen forca për ndeshjen e kthimit ndaj Valmierës, që do të luhet më 17 gusht në Elbasan, por duke respektuar miqësoren e sotme. Në pjesën e parë pritet të luajnë titullarët fiksë, ndërsa në të dytën do të ketë zëvendësime, me trajnerët që pritet të bien dakord për 8 të tilla.
