Këngëtarja shqiptare me famë ndërkombëtare, Rita Ora do të performojë në ceremoninë e mbylljes së Lojërave Invictus 2023, ku i pranishëm do të jetë edhe Princ Harry.
Princi mbretëror Harry, ka konfirmuar se do të jetë në Lojërat Invictus në Gjermani muajin e ardhshëm ku në një video-mesazh zbuloi se mikja e tij e ngushtë Rita Ora do të kryesojë ceremoninë e mbylljes.
Harry i cili aktualisht ndodhet në Azi për një turne bamirësie me mikun e tij më të mirë Nacho Figueras, do të udhëtojë për në Dusseldorf nga LA për ngjarjen që fillon më 9 shtator dhe përfundon më 16 shtator.
Rita Ora do të performojë në ceremoninë e mbylljes, ku Harry pritet të mbajë një fjalim emocionues. Rita dhe Harry janë miq prej vitesh.
