Deputetja e qarkut të Korçës, Eni Zake ka qenë prezente në konstituimin e Këshillit të Qarkut Korçë, ku u zgjodh dhe kryetari i ri z. Erjon Nexhipi i cili ka mbajtur mandatin e kaluar detyrën e Kryetarit të Këshillit Bashkiak Korçë.
Deputetja Zake me anë të një statusi në rrjetin e saj social theksoi se Këshilli i Qarkut si një institucion i bashkëpunimit ndërmjet njësive të vetëqerisjes vendore, ka një rol të rëndësishëm për të forcuar qasjen rajonale.
“Pas përmbylljes së procesit të konstituimeve të Këshillave Bashkiakë dhe fillimit zyrtarisht të mandatit të ri të punës nga kryetarët e 6 bashkive të qarkut të Korçës, sot u krye edhe procesi i konstituimit të Këshillit të Qarkut dhe zgjedhja e kryetarit të ri z. Erjon Nexhipi, i cili ka mbajtur mandatin e kaluar detyrën e Kryetarit të Këshillit Bashkiak Korçë.
Këshilli i Qarkut si një institucion i bashkëpunimit ndërmjet njësive të vetëqerisjes vendore, ka një rol të rëndësishëm për të forcuar qasjen rajonale, akademike dhe përpjekjet e të gjitha bashkive të qarkut përsa i takon zbatimit të projekteve që sjellin;
impakt rajonal për fuqizimin e turizmit,
përmirësimit të infrastrukturës në territorin ndërkufitar mes bashkive,
nxitjen e projekteve me ndikim pozitiv në sektorë të tjerë të ekonomisë së rajonit tonë
përthithjen e projekteve me financim të huaj.
Urime Erjonit në fillimin e një pune në përmbushje të detyrimeve në shërbim të komunitetit në gjithë territorin e qarkut”, shkruan deputetja Zake.
