Ministrja e Arsimit dhe Sportit, Evis Kushi ka dhënë një lajm të mirë për të gjithë fëmijët që mbushin 6 vjeç deri në datën 31 dhjetor do të kenë mundësi të regjistrohen në klasë të parë për vitin e ri shkollor 2023 – 2024 nga data 21 gusht deri me 1 shtator.
Ministrja Kushi me anë të një statusi në rrjetin e saj social sqaron që ky afat vlen edhe për të gjithë ata prindër që nuk kanë arritur dot të bëjnë gjatë fazës së parë regjistrimet për fëmijët e tyre në klasën e parë dhe të dhjetë.
POSTIMI I PLOTË I MINISTRES KUSHI:
Me ndryshimet që miratuam ✍️📃 në Ligjin për Arsimin Parauniversitar, edhe vogëlushët që mbushin 👦👧🏼 6 vjeç ➡️ deri në datën 31 dhjetor do të kenë mundësi të ✅ ️regjistrohen në klasë të parë për vitin e ri shkollor 2023 – 2024.
Të gjithë prindërit 👨👩👧që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në 👩💻 sistemin e-Albania nga 🗓 data 21 gusht deri më 1 shtator.
➡️ Ky afat vlen edhe për të gjithë ata prindër që nuk kanë arritur dot të bëjnë gjatë fazës së parë regjistrimet për fëmijët e tyre në klasën e parë dhe të dhjetë.
