Gjykata e Durrësit ka lënë në burg Siar Kontin, autorin e djegies së automjetit tip “Ferrarri” në pronësi të babait të këngëtarit Rigels Rajku, i njohur me emrin e artit “Noizy”.
Mësohet se gjykata vendosi ndaj 17-vjeçarit nga Vlora, masën e sigurisë personale “Detyrim paraqitje”, pasi dyshohet se e ndihmoi Kontin duke hedhur benzinë në pjesën e parme të automjetit luksoz.
Ngjarja ndodhi më 6 gusht, në Durrës, ndërsa policia njoftoi më 11 gusht 2023 arrestimin e shtetasit Siar Konti, si autor i zjarrvënies në automjetin luksoz të markës Ferrari.
Autori është kapur nga kamerat e sigurisë duke ecur i qetë pranë vendit të ngjarjes dhe pas sigurimit të provave të nevojshme, i riu është dorëzuar dhe e ka pranuar autorësinë e zjarrit.
Në dëshminë e tij, vlonjati ka deklaruar se është paguar 2000 euro nga një tjetër këngëtar me të cilin Noizy ka patur konflikt më parë, i njohur me emrin “Cllevio”, i cili figuron të jetë jashtë Shqipërisë.
