Bullizimi te fëmijët dhe pasojat që shkaktohen duhen trajtuar me seriozitet. Psikologia Valentina Telhaj apel nëpërmjetë profilit të saj në Facebook, bë apel që secili prej nesh të tregoj kujdes të shtuar.
“Bullizmi te fëmijët është një formë e dhunimit emocional, fizik ose verbal nga 1 ose disa persona. Ky veprim ka natyrë të përsëritur dhe është qëllimisht negativ. Bullizmi mund të përfshijë gjithë spektrin nga veprime verbale të këqija dhe keqtrajtime fizike deri te shpifje dhe izolim social. Kjo sjellje mund të ndikojë në shëndetin emocional dhe psikologjik të fëmijës të prekur, dhe në disa raste të përfshijë edhe ndikimin fizik.Bullizmi është një çështje serioze dhe mund të ketë pasoja të mëdha për fëmijët dhe të rinjtë e prekur. Përballja me këtë dukuri kërkon angazhim të prindërve, edukatorëve, mësueseve dhe profesionistëve të shëndetit mendor për të ndihmuar në parandalimin dhe trajtimin e këtij problemi.
Sipas Asociacionit Amerikan te Psikiatrise (APA), simptomat fizike te mundshme kur nje femije bullizohet perfshijne:
1. Dhimbje barku ose koke.
2. Përqëndrim I dobët.
3. Probleme me oreksin
4. Humbja e interesit në aktivitetet fizike.
Simptomat psikologjike të mundshme përfshijnë:
1. Depresion ose ankth.
2. Izolim social.
3. Humbje e interesit në aktivitete që i pëlqejnë.
4. Ndjenja e inferioritetit.
5. Probleme me gjumin ose ethe.
6. Ndjenjë e vetëvlerësimit të ulët.
7. Perceptim i vetvetes si një ofrues ose viktimë.
8. Vështirësi në fushen akademike
9. Ndjenja e mungesës së kontrollit mbi situatën.
Vigjilenca prindërore dhe komunikimi i hapur me fëmijën janë thelbësore për të ndihmuar në identifikimin dhe trajtimin e situatës së bullizmit. Nëse keni dyshime rreth një fëmije që mund të jetë viktimë e bullizmit, është e rëndësishme të konsultoheni me profesionistët e shëndetit mendor për ndihmë dhe këshilla të mëtejshme.:-Shkruan ajo.
