Pogradeci i famshëm i liqenit, Tushemishtit dhe Drilonit, nuk mbaron aty. Gazetari Aramand Braho sjell një tjetër qasje turistike.
“Nëse nisesh prej Fshatit Tushemisht, për në lindje, pas rreth dy orësh ecje ose më pak se 3 km në shtegun hiking, shkon në Malin e Qytetit. Një ndër pikat më të larta, ku të ofrohet një peizazh mahnitës.
Para vitit 1990 kjo ishte një zonë kufitare, ku nuk lejohej vajtja e civilëve, pasi ndodhej shumë pranë ish-Jugosllavisë ose”armikut” të kohës. Në këtë zonë gjithashtu hasim fortifikata dhe bunkerë të drejtuar nga Maqedonia e sotme.Ndërkaq në Malin e Qytetit janë vendosur antenat e operatorëve telefonik. Prej aty shihet lirisht i gjithë pellgu i Pogradecit nga ana perëndimore e jugperëndimore dhe një pjesë e konsiderueshme e Ohrit dhe Shën Naumit në krahun verior dhe verilindor. Nga ana lindore ngrihet Mali i Thatë.Në pjesën e Malit të Qytetit janë vendosur qindra koshere bletësh, pasi për poseduesit e tyre, klima, freskia dhe bimësia e shumtë, sjellin prodhimin e mjaltit të përgjithshëm. Gjithashtu aty zhvillohet bujqësia dhe blektoria.Në disfavoret e kësaj zone është mungesa e burimeve të ujit, për shkak të lartësisë dhe mungesës së damarëve nëntoksorë.Zona është e favorshme për ngjitje dhe piknik. Përveç shtegjeve hiking që të çojnë në Malin e Qytetit, aty mund të shkosh dhe me automjet apo motorr.Mali i Qytetit një ndër destinacionet turistike në Pogradec” Shkruan Braho
