Nga Hamdi Skeja
Etja për të mos qënë i ngopur është sëmundje që ka gjasa të ketë lindur këtu mes kësaj shqipërie! Të kësaj shqipërie me një grumbullim mbeturinash të gjithë europës, se për mbeturinat e kësaj shqipërie që siç e kam quajtur shpesh, -Spitali i madh psikatik” nuk përbën rrezik. Etja shqiptarëve “të vegjël” nga mendja, por të mëdhenj nga etja për kurvëllik politik çdo ditë e po shtohet. Siç shtohen mbeturinat lumenjve kur bie shi. Kjo sëmundja për etje pushteti për të qënë në vëmendje mjafton ti hedhim sytë nga ora e memorjes, në fillimet e pas ‘90-s, kur grupime të ndryshme brohoritën fuqishëm si kukuvajkat me ulërimat e tyre të çjerrur zërat, sikur do ishin shpëtimtarët e kësaj Shqipërie! Kaq shumë grupime që kanë nisur atëherë e sot janë në media, pronar mediash, janë politikanë, drejtora spitalesh, “udhëheqës” të rendit, të kulturës, edhe pse analfabetikë!
Çjerrja e zërave këto kohët e fundit po shtohen, çdo ditë po llumotisin me inteligjencë artificiale, që shpesh mbajnë maskën e frymëmarrjes që mos na qelbëzon dynjanë, por era e qelbur e gojave të tyre po na mbyt. Lëvizje, parti, grupime, e dreq e të bir, me emërtime patriotike, gjoja shpëtimtarët e Kombit, duhet të dinë se kjo Shqipëri nuk ka nevojë më për plehra, për llum, për kurvëllik. E siç e kam thënë dikur në media; -Shqiptarët e kanë në gjak për t’u vrarë me njëri-tjetrin për politikë, por jo kundra politikanëve. Kanceri i ka hyr kësaj Shqipërie që nuk kemi shpëtim. Sepse vdekja klinike nuk ka derë as dritare! Kanceri i zhurmës dhe llumit që kërkon pushtet, blejnë qytetarët, mësuesit, studentët, doktorët, policët, gazetarët, poetët, shkrimtarët dhe na i prezantojnë si shpëtimtarë, në fakt, aty fillon e hedhin farën kanceroze prej kaq vitesh, e nëse dikush thotë të vërtetën mbi etjen kanceroze, aty të sulmojnë si hijenat!
Kjo Shqipëri dikur ka nxjerr burra dhe gra, padyshim të lartë, e sot fabrika e kurvëllikut po prodhon vetëm llum dhe mbeturina që kanë ndotur të gjithë shqipërinë. Etja e Shqiptarëve për pushtet, u ka ngjitur popullit të ndershëm, e dinjitoz, tabelën e kancerit si “ky/kjo është jashtë shinave tona” e si njollë u kanë vënë damkën e zezë “tradhëtarë”. Në fakt, e vërteta e tradhëtisë është mes atij llumi që po na mbyt të gjithëve, Neve, pak popull që duam të jetojmë me dinjitet! Këto Shqiptarët e etur për parti po shkatërron njeriun NJERI!
Vafshin në djall!
Hamdi Skeja!
