Nga Visar Sylaj
Ndryshimet klimatike janë kthyer në një realitet tëpashmangshëm, që po ndikon në jetën e njerëzve kudo në botë. Më heret, në muajin korrik, sekretari i Përgjithshëm i Kombeve të Bashkuara, z. Antonio Guterres, tha se për shkak të ndryshimeve klimative tashmë kemi kaluar ngafaza e “ngrohjes globale” në fazën e “vlimit global”. Por, ndërsa të gjithë preken nga pasojat e këtyre ndryshimeve, disa komunitete janë më të prekura se të tjerat. Pjesavulnerabël e shoqërisë sonë, siç është minoriteti Rom, ndodhen në rrezik edhe më të madh për shkak të mungesës së burimeve dhe infrastrukturës së nevojshme për të përballuar sfidat e ndryshimeve klimatike.
Komuniteti Rom, i cili ballafaqohet shpesh me sfidat socio-ekonomike, tani po gjen veten edhe nën presionin e shtuar të ndryshimeve klimatike. Për shembull, rreshjet e pakta, përmbytjet e shpeshta dhe rritja e temperaturave, që po ndodhin në vitet e fundit në Shqipëri, mund të ndikojnë në furnizimin me ujë dhe ushqim, duke e bërë jetën e tyre edhe më të vështirë.
Instituti i Kulturës Rome në Shqipëri në bashkëpunim më organizatën italiane “Giallo Sassi” të Materës kanë krijuar një projekt të përbashkët të mbështetur nga Fondacioni gjerman Allianz, të quajtur REACT, që synon të ndërgjegjësojë dhe të ndihmojë komunitetet në ndërtimin e një të ardhmeje më të qëndrueshme ndaj ndryshimeve klimatike përmes artit dhe kulturës. Duke u fokusuar tek të rinjtë, REACT ka arritur të krijojë një platformë diskutimi dhe ndërgjegjësimi mbi rëndësinë e kësaj çështjeje.
Përmbytjet në Shqipëri
Thatësira në Miglionico (Matera)Shqipëria dhe Italia janë ndër vendet më të prekura nga ndryshimet klimatike në rajon, prandaj duhet të marrinmasa të menjëhershme për të parandaluar efektet negative. Kjo përfshin investime në infrastrukturë, edukim dhe ndërgjegjësim të komuniteteve të prekura më shumë.Përmes projekteve si REACT, bëhet thirrje për më shumë ndërgjegjësim për të mbrojtur popullatën dhe të ardhmen mjedisore. Por, ndërgjegjësimi është vetëm fillimi.
Është e rëndësishme që të gjithë aktorët, nga qeveria, shoqëria civile dhe komunitetet lokale, të bashkohen dhe të punojnë së bashku për një të ardhme më të mirë dhe më të qëndrueshme për të gjithë.
