Këshilltari Ligjor i PD dhe përfaqësues i PD në KQZ, Rezart Kthupi, ka deklaruar sot një prononcim për mediat, se Partia Demokratike do e ankimojë vendimin e KQZ-së për zgjedhjet e 24 shtatorit në Kukës, ku PD do të përfaqësohet vetëm nga 1 anëtar.
Në fjalën e tij Rezart Kthupi u shpreh se ,“qëllimi i PD-së është të mbrojmë votat dhe ato të mbeten në PD”, teksa shtoi se do të ankimojë vendimin.
“Unë nuk kam detyrën për të numëruar votat e PL-së nuk erdhëm këtu për të thënë se kush është partia më e madhe e opozitës. Qëllimi është zbatimi i ligjit. Keni në dispozicion edhe formulën juridike për të marrë rezultatin e votave. Ne do ta ankiojmë vendimmarrjen pasi është qëllimi ynë që të mbrojmë votat dhe ato të mbeten në PD. Kemi për qëllim mos transferimin e votave të demokratëve”, u shpreh ai.
Ndërkohë, kujtojmë se në Kukës Partia Socialiste do të ketë katër anëtarë në KZAZ, ndërsa Partia e Lirisë do të përfaqësohet nga dy, dhe kandidati i fundit do të jetë nga Partia Demokratike.
