Këtë të diel Ministrja Kushi ka zgjedhur të postojë në rrjete sociale pamje nga Kepi i Rodonit.
Znj. Kushi në përshkrimin e saj shkruan se Kepi i Rodonit është një tjetër perlë e Adriatikut që fton të gjithë pushuesit për të shijuar jo vetëm plazhin e mrekullueshëm, por edhe historinë që mbart ky vend.
“Jo vetëm Riviera e Jonit në jug të 🇦🇱 Shqipërisë, por edhe Adriatiku ofron thesare plot bukuri dhe histori për t’u shijuar nga të gjithë vizitorët vendas e të huaj.
Një prej tyre është edhe Kepi i Rodonit, me kalanë e ndërtuar buzë detit nga Skënderbeu, Kishën e Shna Ndout që njihet si “kisha e mrekullive”, panoramën mahnitëse dhe plot atraksione që e bëjnë këtë zonë ndër më të preferuarat në hartën turistike të Adriatikut” – shkruan ministrja.
