Ministri i Brendshëm Taulant Balla, ka komentuar operacionet e Policisë së Shtetit, për luftën kundër kultivimit të lëndëve narkotike.
Përmes një reagimi në rrjetet sociale, Balla deklaron se shqiptarët presin një pastrim të territorit nga kultivimi i paligjshëm i bimëve narkotike, si dhe goditjen e trafikantëve dhe shpërndarësve të tyre.
Sipas, ministrit Balla kultivimi i paligjshëm i kanabisit ka sjellë një rritje të përdoruesve, kryesisht në moshat e reja, ndërsa theksoi se do të ketë “ndërshkimit të keqbërësve që kryejnë vepra penale në dëm të nxënësve”.
“Unë jam vetë prind dhe i mirëkuptoj të gjithë prindërit, gjyshërit, familjet shqiptare të cilët presin nga Policia e Shtetit më shumë rezultate në goditjen e trafikantëve dhe shpërndarësve të lëndëve narkotike pranë shkollave apo mjedise të tjera të frekuentuara nga të rinjeltë. #PaketaeSigurisë në shkolla do të garantojë një PERIMETËR SIGURIE përreth shkollave dhe ashpërsim të ndërshkimit të keqbërësve që kryejnë vepra penale në dëm të nxënësve/të rinjve, me fokus të veçantë goditjen e rrjeteve të shpërndarjes së lëndëve narkotike”, shkruan ai.
