Një situatë e pazakontë vazhdon të jetë te kombëtarja polake, rivali i Shqipërisë më 10 shtator në Tiranë.
Këtë herë ka qenë Robert Levandovski, i cili në një intervistë për “Meczyki.pl” ka thënë: “Për mendimin tim, problemi me stafin është se nuk kanë personalitet. Nuk bëhet fjalë për aftësi thjesht futbollistike, ka të bëjë me personalitete në fushë, që do ta zgjojnë ekipin në momente të caktuara.
Nëse dikush më afrohej në kampin stërvitor dhe më pyeste për diçka, s’ndodhte që t’i përgjigjesha dikujt: ‘Nuk kam kohë’ ose ‘nesër’. E gjeta veten në një moshë ku nuk mund të mendoj për çdo lojtar dhe pothuajse si një fëmijë i vogël t’i ndërroj pelenat kur të ketë mbaruar. Përgjegjësia duhet të mbetet te lojtarët e tjerë. Jo vetëm tek unë”, ka thënë sulmuesi i Barçës.
