Ministri i Brendshëm, Taulant Balla, është shprehur se arrestimi i personave me rrezikshmëri të lartë kriminale është fillimi i një pune të madhe.
Nga Durrësi Balla tha se askush nuk mund t’i fshihet drejtësisë dhe shtoi se Policia do të ketë mbështetjen e domosdoshme për të luftuar korrupsionin dhe krimin e organizuar.
Ai tha gjithashtu se në Durrës dhe në Tiranë ka një numër të madh personash që janë në kërkim, duke theksuar se duhet të ketë një plan masash për të garantuar që askush nuk mund t’i fshihet drejtësisë.
“Në Durrës ka personazhe të rëndësishme të botës së krimit që duhen gjetur, arrestuar dhe vendosur para drejtësisë. Dua t’u garantoj që secili ka mbështetjen time maksimale, por edhe mbështetjen e kryeministrit Edi Rama”, tha më tej Balla.
