Granit Gjana është prezantuar sot si prefekti i ri i qarkut të Kukësit. Nëpërmjet një postimi në facebook, Gjana shkruan se angazhimi do të jetë më i lartë, duke i dhënë më shumë transparencë institucionit dhe më shumë mbështetje shoqërisë civile.
“Sot, mirëprita Ministrin e Brendshëm Z. Taulant Balla, për prezantimin e emërimit si Prefekti i Qarkut Kukës!
Nga sot angazhohem se do të ketë me shumë bashkërendim institucional, më shumë transparencë, më shumë komunikim midis niveleve të ndryshme të qeverisjes vendore, më shumë kulturë debati, më shumë deshirë për zgjidhje të përbashkëta, e më shumë mirëkuptim.
Angazhohem gjithashtu,se do të siguroj një mbështetje të qëndrueshme të të gjithë shoqërisë civile për çdo nismë apo projekt në zhvillim të komunitetit të Rajonit të Kukësit.
Institucioni i Prefektit të Kukësit do të jetë një institucion në shërbim të qytetarëve për t’u dhënë atyre gjithmonë mbështetje dhe zbatim përgjegjësish.
Motoja e punës sime do të jetë: Përkrah jush në zbatimin e ligjit, për të patur akses në vendimarrje, në shërbime publike dhe investime jo vetëm në zona urbane por edhe ato rurale!
Faleminderit për besimin!
Punë të mira na presin!-Përfundon Gjana.
