Xhensila Myrtezaj është një këngëtare shumë e pëlqyer nga publiku dhe këngët e saj numërojnë miliona klikime vetëm pak ditë pas publikimit.
Para pak javësh, vogëlushja e Xhensila Myrtezaj dhe Bes Kallakut, Ajka festoi ditëlindjen e saj dhe me anë të një video-urimi me disa momente shumë të ëmbla të familjes, krahas artistja e ka uruar me fjalët më të bukura. Mirëpo, surpriza më e bukur për Ajkën dhe të gjithë ndjekësit ishte një moment shumë i shkurtër i video-s së plotë ku shfaqet Besi dhe vogëlushja teksa i puthin barkun Xhensilës duke i konfirmuar kështu zërat se bukuroshja është sërish shtatzanë.
Xhensila ka postuar disa foto ku ka treguar barkun e rrumbullakosur dhe ka pozuar edhe së bashku me Besin dhe Ajkën. Duket se pasi ka zbuluar shtatzaninë e saj, këtë herë Xhensila ndryshe nga shtatzania e parë ka vendosur të tregojë më shumë postime në rrjete sociale.
