Të tjera detaje janë zbardhur mbi vendosjen e një sasie tritoli në biznesin në pronësi të Bashkim Rajkut, të atit të reperit Rigels Rajku, i njohur edhe me emrin e artit NOIZY.
Sipas burimeve nga Policia, grupi i Laert Haxhiut mësohet se qëndron pas vendosjes së tritolit në lokalin e reperit Noizy.
Ishte drejtori i Përgjithshëm i Policisë së Shtetit Muhamet Rrumbullaku, i cili deklaroi se ky grup është përgjegjës për vendosjen e tritolit në biznesin e shtetasit Bashkim Rajku.
Sipas policisë, autorë të dyshuar të ngjarjes janë Laert Haxhiu, Artan (Marjus) Tafani, Lulzim Spahija (Arapi) dhe Erisiano Abedini.
Kujtojmë se ngjarja ndodhi mëngesin e 8 qeshorit 2022, ku si pasojë e shpërthimit pati vetëm dëme materiale.
Më pas lënda plasëse është hedhur mbi qepenin e “Illyrian”, duke shkatërruar qepenin e thyer xhamat e lokalit “Rigels Shisha Lounge”, si dhe xhamat e disa apartamenteve.
Ngjarja kriminale ndodhi pas sherrit të Noizyt me reperin Keviol Ahmeti, i njohur si Cllevio, i ndodhur pranë lokalit të Rajkut.
Burime bëjnë me dije se pikërisht ky sherr ka qenë edhe shkaku i shpërthimit të tritolit.
I penduari i drejtësisë ka rrëfyer se Laert Haxhiu u njoftua nga nëna e tij për sherrin qe kishte ndodhur mes shokut të tij Cllevio dhe Noizyt.
I penduari vijon më tej duke thënë se në këtë bisedë telefonike mes Laertit dhe nënës së tij, dukej se kjo e fundit ishte shqetësuar shumë për sherrin e Cllevios, pasi lajmi ishte bërë shumë mediatik.
Po ashtu ai bëri të ditur se pas kësaj telefonatë Laert Haxhia ka kontaktuar Artan Tafanin për një gjetur 1 kg tritol dhe për t’ia vemdosur biznesit të Bashkim Rajkut.
Lëndë plasese e përdorur në biznesin e Noizyt mësohet se ishte marrë në Tepelenë dhe sjellë në Durrës nga personat e dyshuar.
Njoftimi i policisë:
Shkatërrim i pronës me eksploziv, e kryer në datë 08.06.2022, në dyqanin e shtetasit Bashkim Rajku, në qytetin e Durrësit, me autorë të dyshuar:
– Laert Haxhiu, 31 vjeç, lindur në Lushnjë;
– Artan (Marjus) Tafani, 39 vjeç, lindur në Lushnjë;
– Lulzim Spahija (Arapi), 28 vjeç, lindur në Lushnjë;
– Erisiano Abedini, 32 vjeç, banues në Tepelenë.
