TIRANE- Kreu i prokurorisë së Elbasanit, Kreshnik Ajazi po mban një takim me hetuesit e SPAK në Tiranë, në kuadër të operacionit “kurrë mos harro” që çoi në firmosjen e 15 urdhërarresteve nga të cilët 11 janë ekzekutuar ndërsa 4 janë ende në kërkim.
Mësohet se takimi mes drejtuesit të prokurorisë së Elbasanit me prokurorët e SPAK në lidhje me dosjen e të penduarit Artan Tafani. Do të vendoset nëse dosja do i kalojë SPAK apo do të vijojë të hetohet nga prokuroria e Elbasanit.
Ky opeacion u ndërmor pasi Artan Tafani, një prej anëtarëve të bandës së Laert Haxhiut në Lushnje pranoi të bëhej bashkëpunëtor i drejtësisë, duke zbardhur ngjarje të rënda kriminale që kishin ndodhur në Shqipëri dhe Greqi mes tyre dhe 6 vrasje.
Kreshnik Ajazi është në krye të hetimeve të kësaj dosjeje. Artan Tafani është marrë disa herë në pyetje nga prokurorët e Elbasanit dhe mësohet se ka treguar dhe lidhjet e Laert Haxhiut me një grup kriminal që merrej me trafikun e Kokainës nga Amerika Latine në portin e Pierut në Greqi
Por dhe me një vrasje tjetër që ka ndodhur në zonën Fier – Lushnje.
