Ministri i Brendshëm Taulant Balla ka zhvilluar një takim me Ambasadorin e Mbretërisë së Arabisë Saudite me të cilin mësohet të ketë diskutuar mbi forcimin e bashkëpunimit në luftën kundër krimit të organizuar dhe terrorizmit.
Në një postim në Facebook, Balla shkruan se midis dy vendeve pritet të rritet bashkëpunimi në fushën e sigurisë publike.
Postimi i Ministrit të Brendshëm:
Me Ambasadorin e Mbretërisë së Arabisë Saudite, i cili më përcolli urimet dhe ftesën e Ministrit të Brendshëm Princit Abdulaziz bin Saud bin Naif bin Abdulaziz, diskutuam mbi forcimin e bashkëpunimit në luftën kundër krimit të organizuar dhe terrorizmit. Do të rrisim bashkëpunimin në fushën e sigurisë publike.
