Tre persona kanë rënë në prangat e policisë së Fierit, pasi akuzohen se kishin shndërruar një lokal në ‘strehë’ të tregtimit të lëndëve narkotike. Në kuadër të operacionit ‘Tempulli’ ranë pas hekurave Gëzim Xeba, Romeo Xeba dhe Elios Lame. Gjatë kontrolleve, këta 3 shtetas u kapën duke konsumuar lëndë narkotike cannabis sativa, në prezencë të klientëve të tjerë, në dhoma të përshtatura për këtë qëllim, në katin e parë të lokalit.
Si pasojë e konsumimit të tullumbaceve me azot, një 15-vjeçar ka shkuar në spital, në gjendje të rëndë shëndetësore. Sekuestrohen një bombul me 50 litra azot, një sasi lënde narkotike cannabis sativa, e ndarë në doza, një mjet grirës për të, 250 tullumbace që shërbenin për t’i mbushur me Azot dhe sende të tjera të kundërligjshme.
