Për Wojciech Szczesny dhe për të gjithë polaket, fitorja e Shqipërisë kundër Republikës Çeke, ishte më shumë se një mrekulli, ishte një sukses që i riktheu në jetë, në lojë, por Polonia bën “harakiri” brenda në shtëpi duke ngecur në një barazim 1-1 përballë Moldavisë. Polakët konfirmuan edhe një herë se po kalojnë një krizë të vërtetë, pa Lewandowski-n janë një ekip normal, në fakt kapiteni ka humbur prej kohësh shkëlqimin e tij në përfaqësuese. Polakët e gjeten veten në dizavantazh në minutën e 26-të, me Moldavët që i befasuan gjatë zhvillimeve të një goditje këndi. Me fillimin e pjesës së dytë, Polonia u rikthye në lojë duke barazuar shifrat në minutën e 53-të, por vetëm kaq, pa mund të dalin me tre pikë.
Ky hap flas, bën që Polonia tashmë të renditet vë vendin e tretë në kuotën e 10-të pikëve, një më shumë se Moldavia, por polakët kanë vetëm një sfidë në dispozicion, atë kundër Republikës Çeke më 17 nëntor. Shpëton për mrekulli Çekia, ku përballë Ishujve Faroe u desh një penallti në minutën e 76-të për të dale më tre pikë.
Pas xhiros së 6-të, përveç Shqipërisë që kualifikimin e ka një formalitet, janë tre pike në garë për një biletë. Me 11 pikë, Republika Çeke renditet në vendin e dytë, ndërsa ka dhe dy ndeshje në dispozicion, luan kundër Polonisë në transfertë dhe e mbyll me Moldavinë në shtëpi. Me 10 pikë në 7 ndeshje, Polonia renditet në vendin e tretë. Me 9 pikë në 6 ndeshje, Moldavia renditet në vendin e katërt, por ka dhe dy ndeshje në dispozicion, pret Shqipërinë në shtëpi dhe e mbyll në transfertë me Republikën Çeke.
