Nënkryetari i Grupit të Partisë Socialiste Toni Gogu mori pjesë sot në mbledhjen e Këshillit Kombëtar të Integrimit Europian.
Zoti Gogu në fjalën e tij tha se Shqipëria ka bërë hapa përpara përsa i përket integrimit të vendit drejt BE-së si dhe nënvizoi rëndësinë që pati mbledhja e Samitit të Procesit të Berlinit të mbajtur në Tiranë, e cila për herë të parë u zhvillua jashtë kufijve të BE-së.
“Brenda harkut kohor të një viti u zhvilluan dy mbledhje shumë të rëndësishme, ku u vu në dukje se Shqipëria ka bërë përparime. Mbledhja e Samitit të Procesit të Berlinit të mbajtur në Tiranë tregoi se Shqipëria tashmë është një partner i besuar dhe ka bërë hapa pozitive drejt BE. Gjithashtu është shumë e rëndësishme të përmend faktin që po dje Presidenti i Francës gjatë takimit që pati në Tiranë rikonfirmoi edhe njëherë që Shqipëria po ecën në rrugën e duhur. Presidetja e Komisionit Europian Von der Leyen në fjalën e saj është shprehur se Shqipëria po ecën me sukses për tu bërë pjesë e BE ku ka theksuar sezgjerimi është në krye të të gjithë përparësive tona dhe aty duhet të jenë kjo për arsye sepse duam që ju partnerët tanë të bëheni pjesë e jona dhe që të plotësojmë Bashkimin Europian`.
Gogu gjithashtu ka nënvizuar se raporti i Freedom House për vitin 2023 tregon që Shqipëria është ngjitur disa vende sipër përsa i përket treguesit të luftës ndaj korrupsionit, duke theksuar se nuk ka rëndësi së çfarë posti ke por drejtësia është e barabartë për të gjithë.
“Raporti i Freedom House për vitin 2023 për Shqipërinë nënvizon se treguesi i luftës ndaj korrupsionit është përmirësiuar nga 2.73 në 3, pra jemi ngjitur disa vende sipër. Nuk ka ndodhur më parë dhe as mund të imagjinohej që një ish-ministër apo ministër të shkojë dëshmitarë, por sot një ish-ministër është nën akuzë, po ashtu një ish zëvëndës ministër, kryetarë bashkish, sekrtetarë të përgjithshëm, tre ish-gjyqtarë dhe një ish-prokuror. Kjo gjë nuk mund të imagjinohej, por sot kjo ka ndodhur, është një realitet dhe numrat dhe faktet flasin vetë. Shqipëria ka bërë përparime në këtë aspekt dhe këtu theksoj edhe rolin e SPAK në promovimin e luftës ndaj korrupsionit dhe krimit të organizuar”.
