43 projekte për veshje me kapote të fasadës dhe vendosje ashensori po mbështeten këtë vit nga fondi i komunitetit.
Administratorët e pallateve, të zgjedhur nga asambleja e banorëve dhe të certifikuar nga bashkia janë ata që kryejnë procedurat, që nga marrja e dakordësisë nga të paktën 75% e banorëve.
Vitin e kaluar, bashkia ka ndryshuar udhëzimin, çka mundëson trajtim të veçantë për disa kategori. “Persona që ekzistojnë në certifikatën e pronësisë që janë pensionistë, persona me aftësi të kufizuar apo me ndihmë ekonomike përfitojnë 100 përqind të grantit. Kjo ka bërë të mundur dhe rritjen e numrit të aplikimeve për sivjet. Vetëm për sivjet ne kemi 84 aplikime , ndër to 43 janë fitues”, thotë Aurel Çuko.
Sipas drejtorit të bashkëpronësisë në bashkinë e Tiranës, këto ndërhyrje shtojnë vlerën e pronës.
“Ka bërë që nga një punim i tillë prona të rritet 20-30 përqind. Me sistemin kapot është vënë re sipas një studimi që brenda 2-3 viteve, falë reduktimit të faturës së energjisë elektrike, kjo kthen investimin mbrapsht”, deklaron Çuko.
Në 7 vite, fondi i komunitetit, me vlerë 100 milion lekë të reja në vit, ka mbështetur 174 projekte.
Stadiumi Kombëtar do të quhet sërish “Air Albania” për 5 vitet e ardhshme, Presidenti Duka: I lumtur për këtë partneritet strategjik
Federata Shqiptare e Futbollit ka arritur marrëveshjen e re për të drejtat e emërtimit të Stadiumit Kombëtar në Tiranë. Për...
