Skënderbeu humbi 0-2 për javën e nëntë në Superligë kundër Vllaznisë në Korçë. Gjithçka në duelin e fundjavës u vendos në minutat e fundit të ndeshjes, me korçarët që kanë mbetur me pasoja edhe në mungesa.
Për javën e dhjetë, “Ujqërit e Dëborës” luajnë sërish në shtëpi kundër Egnatias, teksa do kenë dy mungesa të sigurta. Randy Duwmfour do jetë jashtë për shkak se ka plotësuar numrin katër të kartonave të verdhë.
Mbrojtësi tjetër, Elvis Prençi u ndëshkua me karton të kuq dhe do jetë jashtë. Trajneri Gvozdenovic do ketë dy mungesa, teksa kërkon tri pikët pas humbjes në shtëpi. Kundër Egnatias luhet të shtunë më 17:00 në Korçë, ndërsa në fazën e parë korçarët fituan 0-1 në Rrogozhinë.
