Sekretari i Mbrojtjes i SHBA Lloyd Austin theksoi rëndësinë e mbrojtjes së civilëve gjatë operacioneve izraelite në Gaza në një bisedë telefonike me homologun e tij izraelit Yoav Gallad.
Në të njëjtën kohë, Departamenti Amerikan i Shtetit u bëri thirrje qytetarëve amerikanë në Liban që të largohen menjëherë nga vendi, ndërsa fluturimet komerciale janë ende të disponueshme, pasi shkëmbimi i zjarrit me Izraelin intensifikohet.
Ndërkohë, presidenti amerikan Joe Biden theksoi në një letër drejtuar kryetarit të ri të Dhomës së Përfaqësuesve, Mike Johnson, se administrata e tij është gati të ndërmarrë veprime të mëtejshme, pas sulmeve nga organizatat lidhur me Iranin kundër trupave amerikane të vendosura në Irak dhe Siri, raporton media australiane.
Letra del në dritë pasi Pentagoni njoftoi se avionët luftarakë amerikanë kishin goditur dy objekte të përdorura nga Garda Revolucionare , një organ elitar i ushtrisë iraniane dhe organizata të lidhura me to në Sirinë lindore. Madje kujtohet se dje presidenti amerikan u takua me ministrin e Jashtëm kinez Wang Yi , duke i bërë thirrje Kinës që të punojë së bashku me Shtetet e Bashkuara për t’iu përgjigjur së bashku sfidave globale.
