Po, po është e vërtetë! Mozzik, Loredana dhe vajza e tyre Hana janë shfaqur pas kaq shumë kohësh bashkë, publikisht në një foto, që e kanë postuar vetë ata, por më pas e kanë fshirë.
Dyshja e shumëpërfolur për ndarjen e tyre aspak ‘paqësore’, janë bërë bashkë për hir të vajzës. Ata duket se thyejnë çdo barrierë, kur vjen puna te vajza e tyre e mesa duket tani e tutje do i shohim bashkë vetëm në të tilla raste.
Loredana Zefi, prej disa muajsh po shijon një lidhje dashurie me futbollistin e Borussia Dortmund-it, Karim Adeyemi-n.
Për herë të parë reperja në një intervistë ka treguar se si është njohur me futbollistin. Ajo ka treguar se ndodhej në Dusseldorf ndërsa Karim-i i kishte shkruar në rrjetet sociale.
Në atë kohë ajo theksoi se ishte shumë e uritur dhe se në hotelin ku po qëndronte nuk kishte ushqim për të porositur. Kjo bëri që t’i shkruante Adeyem-it i cili në ato momente ndodhej në Dortmund.
