Ministrja e Shëndetësisë dhe Mbrojtjes Sociale, Albana Koçiu inspektoi punimet që po vijojnë në Qendrën Shëndetësore në Paskuqan, e cila ofron shërbime për rreth 10 mijë banorë të zonës.
Ministrja Koçiu gjatë vizitës së saj tha se rikonstruksioni i kësaj qendre po kryhet në kuadër të mbështetjes së qeverisë për rehabilitimin e qendrave shëndetësore në të gjithë vendin.
Znj. Koçiu theksoi se me investimet që po kryhen, rritet cilësia e shërbimin ndaj qytetarëve pranë vendbanimit.
Investimet në sektorin e shëndetësisë do të vijojnë edhe gjatë vitit 2024 me buxhetin e ri.
Pas rinovimit të plotë të 20 spitaleve dhe 340 qendrave shëndetësore, buxheti 2024 mbështet përfundimin e rikonstruksionit të 60 qendrave shëndetësore dhe ambulancave, pjesë e programit madhor të investimeve 2023-2024.
