Kanye West shkaktoi edhe një herë reagime dhe arsyeja nuk është tjetër veçse qëndrimet e tij për hebrenjtë.
Reperi i njohur është parë në një video që po bën xhiron e rrjeteve sociale duke kërcyer i emocionuar teksa po luhet kënga e tij e re. Teksti i hitit të tij të ri, me titull “Vultures”, ka zhgënjyer publikun e reperit, i cili e cilëson atë si “të pandreqshëm”.
Mes teksteve të tij, Kanye West ka shtuar edhe një herë deklarata antisemite. Në një moment në pistë, Kanye dëgjohet duke thënë: “Si jam antisemitik? Sapo bëra qenin tim një hebre”.
Chris Brown, Ty, Bump J dhe artistë të tjerë ishin gjithashtu të pranishëm, të cilët dukej se e miratuan këngën e Kanye West, duke mos marrë parasysh reagimin e ashpër që do të shkaktonte në internet.
