Sergio Perez dhe Red Bull ende nuk e kanë një kontratë për sezonin pasardhës dhe piloti i ka vendosur kushte skuderisë britanikë për të vijuar ose jo bashkëpunimin edhe për sezonin 2025. Gjithçka ka të bëjë me përmirësimin në zhvillimin e mëtejshëm në performancën e makinës.
Perez përfundoi i dyti në kampionatin 2023 me vetëm gjysmën e numrit të pikëve të shokut të skuadrës Max Verstappen, i cili mori 19 fitore të paprecedenta në gara, ndërsa Red Bull gëzonte dominimin total me RB19 të tij.
Pas një fillimi të vrullshëm në të cilin Perez fitoi dy gara dhe ishte pranë Verstappen në renditje, rendimenti ra dhe e ardhmja e tij me Red Bull u vendos në diskutim edhe pse ai ka marrëveshje për vitin 2024.
“Ajo që na ka munguar këtë vit është përparimi. Unë e nisa vitin me të vërtetë shumë mirë, në të njëjtin nivel me Max. Por thjesht nuk isha në gjendje të evoloja gjatë sezonit. Ky është ndoshta prioriteti im kryesor, për të qenë në gjendje të përparojmë gjatë sezonit me makinën”.
Kur u pyet nga “Motorsport” për atë që ndodhi me RB19 nga Çmimi i Madh i Spanjës e tutje që e bëri kaq të vështirë për të, ai u përgjigj: “Ndjeva sikur makina ishte ndryshe dhe më duhej të mendoja shumë më tepër se si po drejtoja. Këto probleme me të vërtetë më bëjnë të kuptoj shumë më tepër se si po e rregulloja makinën, në cilin drejtim duhet të shkoj kur të kem probleme. Kështu që mendoj se është diçka që patjetër do të na bëjë më të fortë vitin e ardhshëm”, tha meksikani.
