• Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
Writy.
No Result
View All Result

“Ndoshta shumë njerëz do e blinin me qejf”, Ben Blushi: Ja si do e shkruante Inteligjenca Artificiale romanin “Komploti”

12/10/2023
in Opinion, Slider
“Ndoshta shumë njerëz do e blinin me qejf”, Ben Blushi: Ja si do e shkruante Inteligjenca Artificiale romanin “Komploti”
Share on FacebookShare on WhatsappShare on Twitter

Ben Blushi përmes një postimi në rrjetet sociale është shprehur se si do të ishte shkruar romani i tij “Komploti”, nëse autor nuk do të kishte qenë ai, por Inteligjenca Artificiale.

https://albaniatimes.net/wp-content/uploads/2025/01/1tnwkf.mp4

Blushi shprehet se kjo teknologji ka potencialin që në të ardhmen të shkruajë romane dhe të krijojë art.

Sipas tij varianti i “Komploti”-t i shkruar nga Inteligjenca Artificiale ndoshta mund të blihej me shumë qejf nga shumë persona dhe se ndoshta kjo teknologji mund të bindë edhe vetë autorin se Komploti i saj j është një roman totalisht i ndryshëm nga origjinali, megjithëse nuk ndryshon në asnjë gërmë,në asnjë rresht dhe në asnjë faqe.

SI DO E SHKRUANTE INTELIGJENCA ARTIFICIALE ROMANIN TIM KOMPLOTI

Një fotografi e realizuar përmes Inteligjencës Artificiale, në të cilën duket dikush që nënshkruan autografe në romanin Komploti, njëlloj sikur të jem unë, më riktheu tek kjo temë e dashur, e panjohur dhe fantastike.

Cfarë mund të bëjë Inteligjenca Aritifiacile? Ku janë kufinjtë e saj? A mund të shkruajë ajo romane dhe të zëvendësojë shkrimtarët?
Si mund ta shkruante një robot romanin tim Komploti? A do kishte Komploti Artificial po 274 faqe si Komploti Origjinal? A do mbante po ato personazhe? A do ishte fjalia e parë njëlloj? Po fjalia e fundit? Sa personazhe do kishte Komploti Aritificial ndërkohë që unë kam më shumë se 30 personazhe ? A do kishte tre cifutë? Po tre afganë? Si do quheshin tre cifutët?
Si do e kishte emrin Kryeministri? Po ministri i Mbrojtjes së Shqipërisë në vitin 2044 do ishte afgan apo sirian, egjiptian apo ndoshta një korean i dobët me gjyslyke ? Sa shqiptarë do kishte Shqipëria e Komplotit Aritificial në vitin 2044? Sa të huaj? Kush do e kishte fituar luftën në Ukrainë sipas Komplotit Artificial?

A do kishte vendosur shkrimtari artificial të martonte një emigrant afgan me një vajzë katolike arsye për të cilën afgani u bë ministër i mbrojtjes së Shqipërisë? A do shkonte ministri i mbrojtjes në qiejt e Serbisë me një F16 sic bëri afgani im, apo do përdorte ndonjë tank ? Apo ndoshta nuk do shkonte fare sepse mund ta konsideronte clirimin e Kosovës një cështje të mbyllur për të cilën nuk ia vlente fare të hynte në luftë me Serbinë? Apo ndoshta shkrimtari Articifial nuk do merrej fare me Kosovën sepse natyrisht ai nuk kishte ndjeshmërinë e një shkrimtari Shqiptar?

A do egzistojë nevoja për të përdorur eutanazinë sic kërkon njëri nga cifutët tek Komploti origjinal apo torturat e sëmundjeve dhe vdekjes do jenë zbutur nga shkenca pas 20 vitesh? A e njeh Inteligjenca Artificiale të ardhmen më mirë se ne ? A e njeh shkrimtari artificial Shqipërinë më mirë se unë dhe nëse po, cfarë nuk di unë që e di ai, apo cfarë nuk di ai që e di unë?
A do jenë pajtuar Rusia me Amerikën pas 20 vitesh ? A do ketë më luftë në Izrael dhe ndoshta Palestina do jetë një shtet brenda shteti? A e di Inteligjenca Artificiale cfarë bëjnë njerëzit në Kavajë pas dreke? A do ketë pushtim të Kavajës nga afganët sic ndodh në romanin tim? Po dashuri mes një doktoreshe province dhe një cifuti aventurier të cilin disa e quajnë antishqiptari a do ketë në romanin Komploti të shkruar nga Inteligjenca Artificiale?

Nuk e di.

Ajo që di është se me siguri shumë shpejt Inteligjenca Artificiale do fillojë të bëjë art. Të shkruajë libra. Sot nëse i kërkon ndihmë Chat Gpt ajo shkruan një poezi për ty. Dhe nëse Inteligjenca Aritificiale shkruan që sot poezi pse mos bëjë romane nesër. Dikush porosit një roman dashurie, i jep disa të dhëna, si koëhn, vendin ku ndodh dashuria, i jep emrin e të dashurës dhe të tjerat ndodhin vetë. Ti con librin në shtypshkonjë i vendos emrin tënd dhe je bërë shkrimtar.

Dikush tjetër të cilit i pëlqejnë komplotet mund të porosisë një roman me titullin Komploti. Shkrimtari Artificial e vendos komplotin në Shqipëri, bën një ngatërresë të organizuar mes disa afganëve shqiptarëve dhe cifutëve, aty shton edhe ndonjë libanez që ka rënë në dashuri me një shitëse cokollatash, pastaj shton një spiune ruse që sapo ka dalë nga burgu, një borgjeze franceze, një bankier grek dhe ja ku u plotësua Komploti. Asnjeri nuk u vra,dashuri pati,pushtim po dhe në fund ndeshja e përjetshme mes Amerikës dhe Rusisë përfundoi barazim.
Ky është me pak fjalë fundi i Komplotit në romanin e shkruar nga Inteligjenca Artificiale. Ky prodhim do quhej roman dhe ndoshta shumë njerëz do e blenin me qejf. Edhe unë do e lexoja duke kujtuar një tregim të Borgesit sipas të cilit një shkrimtar, në shekullin e 20 shkroi fjalë për fjalë Don Kishotin e Servantesit dhe i bindi të gjithë se ai tekst ishte i ndryshëm nga teksti origjinal. Pra dy Don Kishotë identikë sipas tij ishin krejtësisht të ndryshëm nga njëri-tjetri.

Ndoshta edhe Inteligjenca Arificiale mund të më bindë mua se Komploti i saj është një roman totalisht i ndryshëm nga Komploti im, megjithëse nuk ndryshon në asnjë gërmë,në asnjë rresht dhe në asnjë faqe.

Ky do ishte një super Komplot të cilin do doja ta kisha shkruar vetë.

Do quhej : Komploti kundër Komplotit. Autor : Inteligjenca Artificiale. Cmimi : falas.

Related

Previous Post

“Jemi policë”/ Nga kamuflimi me uniformë, te terrori ndaj dy të moshuarve, si u tentua të grabitej banesa në Prush. Autorët u arratisën drejt…

Next Post

Rikthehen reshjet e dëborës në Korçë e Dardhë, ja si paraqitet situata në juglindje

Lajme të ngjashme

Veliaj mesazh kombëtares para ndeshjes Shqipëri–Serbi: Na bëni krenarë

Veliaj mesazh kombëtares para ndeshjes Shqipëri–Serbi: Na bëni krenarë

by redaktor2
06/07/2025
0

Pak orë para sfidës së shumëpritur Shqipëri–Serbi, kryebashkiaku i Tiranës, Erion Veliaj, ka shpërndarë një mesazh emocionues për kombëtaren kuqezi....

Suksese, bravo për fitoren dhe të duam shumë” Alesio Shahini, fituesi i Top Model Dyrrah 2025, rrëfen prapaskenat në podcast

Suksese, bravo për fitoren dhe të duam shumë” Alesio Shahini, fituesi i Top Model Dyrrah 2025, rrëfen prapaskenat në podcast

by redaktor2
06/07/2025
0

Alesio Shahini, i cili këtë vit u shpall Mister Imazhi, ka ndarë për herë të parë emocionet dhe prapaskenat e...

Ambla Arbana fiton Miss Beauty Shijak: “Kur të rritem, dua të bëhem doktoreshë”

Ambla Arbana fiton Miss Beauty Shijak: “Kur të rritem, dua të bëhem doktoreshë”

by redaktor2
06/07/2025
0

Ambla Arbana është shpallur fituese e kurorës Miss Beauty Shijak 2025, duke rrëmbyer zemrat e jurisë dhe të publikut me...

Intervistë me Glorian, Miss-in e vogël me zemër mes Shqipërisë dhe Lituanisë

Intervistë me Glorian, Miss-in e vogël me zemër mes Shqipërisë dhe Lituanisë

by redaktor2
06/07/2025
0

Gloria, modelja e vogël shqiptaro-lituaneze që këtë vit rrëmbeu kurorën e Miss World Albania 2024, ishte e ftuar së fundmi...

Leave a Reply Cancel reply

Your email address will not be published. Required fields are marked *

Lajmet e fundit

  • Veliaj mesazh kombëtares para ndeshjes Shqipëri–Serbi: Na bëni krenarë
  • Diora Kuci, fituesja e çmimit Miss Show Girl 2025, rrëfen pasionin për pasarelat dhe modelingun
  • Suksese, bravo për fitoren dhe të duam shumë” Alesio Shahini, fituesi i Top Model Dyrrah 2025, rrëfe…
  • Ambla Arbana fiton Miss Beauty Shijak: “Kur të rritem, dua të bëhem doktoreshë”
  • Intervistë me Glorian, Miss-in e vogël me zemër mes Shqipërisë dhe Lituanisë
  • “Broja do t’i krijojë probleme Serbisë”, Ansi Agolli: Balanca psikologjike fiton ndeshjen
Albaniatimes.net

Albania Times synon të jetë një qasje e re në shërbim të informimit të publikut. Vendosmëria për t’i shërbyer përmes së vërtetës është bazë e punës sonë.

Email: albaniatimes22@gmail.com

© 2022 AlbaniaTimes - Të gjitha të drejtat e rezervuara.

No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive e jona
  • Ekonomi
  • Showbiz
  • Sport
  • Editorial
  • Opinion
  • Kulturë
  • Teknologji

© 2022 AlbaniaTimes - Të gjitha të drejtat e rezervuara.