Zëvendëskryetarja e Komisionit për Edukimin dhe Mjetet e Informimit Publik, znj. Evis Kushi dhe anëtarë të komisionit, zhvilluan sot një vizitë monitoruese në Shkollën e Mesme Profesionale për Teknologji, Informacion dhe Komunikim, “Hermann Gmeiner”. Gjatë kësaj vizite monitoruese u diskutua mbi kurrikulën mësimore të programimit në këtë shkollë, praktikat të cilat zhvillohen si dhe nismat ligjore të cilat mbështesin arsimin profesional.
Drejtoresha e shkollës, znj. Hedie Gjoni, i njohu më nga afër deputetët e Komisionit për Edukimin dhe Mjetet e Informimit Publik në lidhje me investimet në infrastrukturë, sallat me kompjutera dhe ambientet e posaçme ku nxënësit zhvillojnë punimet e tyre. Gjithashtu znj. Gjoni u shpreh edhe për bashkëpunimin e shkollës me sektorin privat, ku nxënësit zhvillojnë praktika profesionale gjatë vitit shkollor si dhe gjatë pushimeve verore. Ndërsa si prioritet, znj. Gjoni nënvizoi integrimin e vajzave në arsimin profesional.
Zëvendëskryetarja e Komisionit për Edukimin dhe Mjetet e Informimit Publik, znj. Evis Kushi, vlerësoi kurrikulën shkollore si dhe u shpreh se së shpejti do të propozojë ndryshime në ligjin për arsimin profesional. Ndërsa më tej deputetët e Komisionit për Edukimin dhe Mjetet e Informimit Publik, zhvilluan vizita në disa prej klasave, ku bashkëbiseduan me nxënësit dhe u njohën nga afër me arritjet dhe kërkesat e tyre.
![](https://i0.wp.com/albaniatimes.net/wp-content/uploads/2024/02/2a1c27bd-c9c3-4e2b-9ccc-2d783a98a052.jpg?resize=1024%2C683&ssl=1)
![](https://i0.wp.com/albaniatimes.net/wp-content/uploads/2024/02/4b4c52fb-ebb3-48c6-9c3d-9c24bef615f8.jpg?resize=1024%2C682&ssl=1)
![](https://i0.wp.com/albaniatimes.net/wp-content/uploads/2024/02/45d05677-12b7-4c9e-b0f4-d45b04dfd62d.jpg?resize=1024%2C885&ssl=1)
![](https://i0.wp.com/albaniatimes.net/wp-content/uploads/2024/02/380fc075-8b97-4048-87a3-b37665326e95.jpg?resize=1024%2C682&ssl=1)
![](https://i0.wp.com/albaniatimes.net/wp-content/uploads/2024/02/8898bba4-0b8e-4286-8832-b662512a43dc.jpg?resize=1024%2C684&ssl=1)
![](https://i0.wp.com/albaniatimes.net/wp-content/uploads/2024/02/cff7ca41-550c-403e-92bc-a73f4c9fa4a0.jpg?resize=1024%2C682&ssl=1)