Elisa Spiropali, Ministre për Marrëdhëniet me Parlamentin, në një intervistë televizive tha se mazhoranca do të vijojë diskutimet me deputetët dhe grupet parlamentare të opozitës për të gjetur mundësinë për ta votuar sa më shpejt të jetë e mundur ligjin për “Amnistinë penale”.
Ajo madje, shtoi se diskutimet në këtë drejtim duhet të vazhdojnë edhe për Reformën Zgjedhore, ku duhen adresuar kërkesat e OSBE ODIHR.
“Ne do të vijojmë ta sjellim (pr/ligjin) në seancë. Do të vijojmë diskutimet me deputetët dhe grupet parlamentare. Ju përdorët termin “negociat”, por negociata është fjalë e madhe, që nënkupton se të gjitha palët duhet të jenë të arsyeshme të ulen për të gjetur një zgjidhje. Por, më rast se palët kërkojnë të gjejnë vetëm alibi për të mos dhënë zgjidhje, kjo është një çështje tjetër, të cilës ne nuk i përgjigjemi dot. Prandaj kërkojmë që të jenë të arsyshëm”, tha Spiropali.
Ministrja e Shtetit për Marrëdhëniet me parlamentin shtoi se palët duhet të jenë të gjejnë zgjidhje politike, dhe mazhoranca në këtë drejtim nuk do të hezitojë të bashkëbisedojë me opozitën, duke kujtuar këtu dhe rëndësinë daljes me një rezultat në komisionin e Posaçëm të Reformës Zgjedhore.
“Nëse palët mundohen të gjejnë të gjejnë alibi për të mos gjetur zgjidhje kjo është çështje tjetër, të cilët ne nuk i përgjigjemi dot me mjete që kemi në dispozicion, pra mjetet politike. Ne urojmë që të gjitha mjetet politike të përdoren dhe patjetër ne nuk hezitojmë në asnjë moment të ulemi me deputetët, me grupet, ashtu siç nuk kemi hezituar dhe u bëjmë ftesë dhe të ulemi për të diskutuar në komisionin e reformës zgjedhore, çështje përmbajtësore që kanë të bëjnë me kodin zgjedhor, apo me rekomandimet ODIHR-it”, tha Spiropali.
“Ashtu siç nuk do të lodhemi dhe është detyra jonë ta bëjmë, nuk është se duam meritë apo do të kërkojmë dekoratë për këtë, por është e rëndësishme të ulemi në konferencën e kryetrëve apo kudo tjetër me kryetarët e grupeve, që të gjejmë një lloj zgjidhje dhe t’ua bëjmë më të thjeshtë deputetëve kthimin në kuvend. Pasi si duket dhe ata kanë patjetër dëshirë për t’u kthyer, por nuk gjejnë arsye, sepse pa arsye janë larguar nga salla dhe për arsye të mos arsyes ata kanë ndezur zjarr, tym e flakë dhe kanë përdorur bilbila, duke mos lejuar zhvillimin normal të seancave parlamentare”, tha Spiropali.
Spiropali tha se edhe komisionet hetimore të kërkuara nga një pjesë e opozitës janë alibi për kaosin në parlament.
