Një shpërblim prej 10,000 £ ofrohet për të gjetur tre burra që kërkohen në lidhje me një vrasje vitin e kaluar në Leamington.
Kevin Vucini, 25 vjeç, Brigen Carrica ‘Qarrica’ 21 vjeç dhe Rrezon Cengu 22, të gjithë me origjinë nga Shqipëria, kërkohen urgjentisht nga hetuesit për t’iu përgjigjur pyetjeve pas një vrasjeje në Leamington Spa në orët e para të së enjtes, 10 gusht 2023.
Crimestoppers po ofron një shpërblim prej 10,000 £ për informacion mbi vendndodhjen e burrave individualë, që do të thotë se ofrohen gjithsej 30,000 £. Një hetim për vrasje u nis pasi Ben Daly, 30 vjeç, u gjet me një plagë me armë zjarri në Ranelagh Terrace.
Besohet se ai u qëllua në “Frances Havergal Close” pak më herët, ndërsa vdiq kur u dërgua në spital. Të tre burrat kanë lidhje me Essex dhe ndoshta Londrën, dhe Cengu ka lidhje me Luton.
