Kryeministri Edi Rama ka reaguar pas votimit të Blerina Bajat si kryetare e komanduar e bashkisë.
Përmes një postimi në rrjetin social X, ai e konsideron këtë zgjedhje një një zhvillim pozitiv për vazhdimin e punës së qeverisë vendore.
Sipas Ramës, përpjekja e dështuar e një grushti individësh të nxitur për ta penguar këtë zhvillim, tregoi qartë faktin e thjeshtë se shumica e madhe e himariotëve nuk i përkasin llogores së konfliktit.
“Zgjedhja e sotme nga Këshilli Bashkiak të Himarës, me 15 vota pro dhe vetëm 4 kundër, e nënkryetares së bashkisë, Blerina Bala, si kryetare në detyrë është një zhvillim pozitiv për vazhdimin e punës së qeverisë vendore. Përpjekja e dështuar e një grushti individësh të nxitur për ta penguar këtë zhvillim të bazuar në detyrimin përkatës ligjor të Këshillit Bashkiak, tregoi qartë faktin e thjeshtë se shumica e madhe e himariotëve nuk i përkasin llogores së konfliktit, përçarjes dhe amplifikimit absurd të një sherri primitiv, i cili ushqehet për interesa dhe hesape që s’kanë asnjë lidhje me interesat dhe nevojat legjitime të popullit të Himarës”, ka shkruar Rama.
