Deputetja e Partisë Socialiste, Evis Kushi ka zhvilluar disa takime në Kosovë me disa nga figurat më të rëndësishme në qeverinë e Kosovës.
Me anë të një postimi në rrjetin e saj social, Kushi thekson që bashkëpunimi mes dy vendeve tona të forcohet dhe marrëveshjet e deritanishme të mbyllen me sukses.
POSTIMI I EVIS KUSHIT:
“Shkolla Normale e Elbasanit ka qenë simbol i vetëdijes dhe zgjimit tonë kombëtar në Kosovë” – ishin fjalët e Kryetarit të Kuvendit të Kosovës z. Glauk Konjufca gjatë takimit të zhvilluar sot me kolegët deputetë të Komisionit për Edukimin dhe Mjetet e Informimit Publik.
Gjithashtu vizituam edhe deputetët e komisionit homolog në Kosovë, si dhe Ministren e Arsimit znj. Arbërie Nagavci dhe Ministrin e Kulturës dhe Sportit z. Hajrulla Çeku, me të cilët diskutuam ecurinë e marrëveshjeve të deritanishme, por edhe hapa konkretë dhe projekte të reja për forcimin e mëtejshëm të bashkëpunimit mes dy vendeve tona.
