Deputetja e Partisë Socialiste, Evis Kushi në cilësinë e nënkryetares së Komisionit për Edukim dhe Mjetet e Informimit Publik, sëbashku me deputetët e këtij komisioni u pritën nga Akademia e Shkencave dhe Arteve në Kosovë.
Me anë të një postimi në rrjetin e saj social, Kushi shpreh vlerësimet më të larta për punën e këtij institucioni dhe partneritetin e ngushtë me Akademinë e Shkencave të Shqipërisë me angazhime e projekte konkrete.
Postimi i Evis Kushit:
Në Akademinë e Shkencave dhe Arteve të Kosovës shprehëm vlerësimet tona më të larta për punën e këtij institucioni dhe partneritetin e ngushtë me Akademinë e Shkencave të Shqipërisë me angazhime e projekte konkrete.
Në mënyrë të veçantë theksuam mbështetjen tonë për projektin e përbashkët të Enciklopedisë Shqiptare, një projekt madhor që mbështetet nga dy qeveritë tona e që përfshin të gjithë hapësirën mbarëshqiptare.
