Ministrja e Shtetit për Marrëdhëniet me Parlamentin, Elisa Spiropali, në Kuvend është shprehur se PS ka bërë të mundur që për herë të parë të kemi një drejtësi që po godet pandëshkueshmërinë.
Spiropali gjithashtu u shpreh se po PS ka rikthyer normalitetin në Kuvend. Ajo foli dhe për procesin e integrimit në BE, ku tha se Shqipëria ka progres në 33 kapitujt.
“Realiteti i Shqipërisë nuk është që parashihni ju (i drejtohet Vangjel Dules), por në negociatat e bashkimit europian ka progres në 33 kapitujt dhe në ato politikë, ndryshe nuk do të na ishin çelur negociatat. Në procesin e sceening ka treguar rezultatet serioze.
Nëse jeni angazhuar në një proces që nuk ka lidhje me anëtarësimin e Shqipërisë, por me procese të tjera të drejtësisë me të cilat qasja juaj është e pashëndetshme, kjo nuk është çështje e jona.
Sa na takon ne, kjo shumicë ka bërë të mundur që të kemi një drejtësi që po godet pandëshkueshmërinë dhe patjetër ka nevojë për reformim të mëtejshëm, por ka dhënë shembuj konkretë.
Te dritarja a te ballkoni e te burgu mund të shkoni sa të doni, por mos na përfshini në këto debate në këtë Parlament që e kthyem ne në normalitet. Të jemi me të kujdesshëm me ato që themi sepse e shkuara jonë ka qenë totalitare, por nuk mund të pranojmë që sot nga kjo foltore të përdoren nga persona që përdorin ato terma”, tha Spiropali.
