Prej më shumë se një viti, këngëtari i njohur Capital T ka qenë në qendër të vëmendjes së medias rozë për shkak të aludimeve se është në një lidhje me misin shqiptar, Adrola Dushi.
Megjithëse dyshja nuk e kanë konfimruar asnjëherë romancën e tyre, se fundmi përmes një postimi në rrejtet sociale, artisti ka nxitur dyshimet se mund të jetë ndarë nga modelja. Ai ka postuar një video në “TikTok”, ku duket mjaft i qetë teksa ishte i shtrirë në shtrat.
“Si fle unë kur e di që jam beqar dhe askush nuk po më tradhton”, ka shkruar ai, duke nxitur dyshimet se këngëtari sapo konfirmoi që nuk është në një lidhje. Megjithatë, ajo që ka rënë në sy së fundmi është një koment i reperit në foton e modeles, çka hedh poshtë dyshimet për ndarje.
Në fotot e fundit që Adrola ka publikuar në “Instagram”, reperi ka komentuar me një ikonë zjarri, duke treguar se raporti mes tyre është ende, ndonëse asnjëri prej tyre nuk e ka pranuar kurrë këtë histori. Prej kohësh, dyshja kanë marrë vëmendjen e mediave, në tentativë për t’u rrëmbyer ndonjë pohim rreth historisë së tyre.
Teksa ishte e ftuar në emisionin “Në Kurthin e Piter Pan”, kjo pyetje nuk mund t’i shpëtonte as fëmijëve.
“Ne vetëm shokë jemi”, tha ajo, por gjithsesi e pati një përshëndetje për të. Po ashtu, ajo komentoi edhe një video të Capital T që thoshte në një edicion të kaluar të “Në Kurthin e Piter Pan” se personi të zemrës i ka thënë shumë herë të dua, por akoma nuk e ka propozuar.
