Kryetari i Partisë së Lirisë, Ilir Meta, ka kujtuar 73-vjetorion e Forcës Ajrore Shqiptare, me anë të një postimi në “facebook”.
Ndër të tjera ai shprehet se “Rilindja” e degradoi Forcën tonë Ajrore, duke e përdorur për aktivitete të paligjshme.
Ai shton se rritja e pensioneve të ushtarakëve, shtimi i buxhetit dhe rimëkëmbja e plotë, jo propagandistike, e Forcave të Armatosura shqiptare, siç e meriton një vend anëtar i NATO-s është prioritet i Partisë së Lirisë, që një objektiv të saj madhor ka sigurinë kombëtare dhe mbrojtjen e sovranitetit të Shqipërisë!
Postimi i plotë:
Në 73-vjetorin e Forcës Ajrore shpreh mirënjohjen dhe respektin më të lartë për të gjithë ata që e krijuan dhe e ngritën lart këtë forcë, për familjet e tyre dhe në veçanti për pilotët Dëshmorë, të cilët humbën jetën për të mbrojtur dhe siguruar pavarësinë e hapësirave shqiptare ndër vite.
Një falenderim për të gjithë veteranët që vazhdojnë të përcjellin ndër breza vlerat më të larta të ushtrisë shqiptare duke edukuar me patriotizëm dhe atdhedashuri brezat e rinj.
Në këto vite “Rilindja” e degradoi Forcën tonë Ajrore duke e përdorur për aktivitete të paligjshme, nga fikja e radarëve dhe deri tek trafiku i drogës, si dhe duke e çuar në dekadencë totale me helikopterë të blerë shtrenjtë por që nuk punojnë për shkak të korrupsionit.
Rritja e pensioneve të ushtarakëve, shtimi i buxhetit dhe rimëkëmbja e plotë, jo propagandistike, e Forcave të Armatosura shqiptare, siç e meriton një vend anëtar i NATO-s është prioritet i Partisë së Lirisë, që një objektiv të saj madhor ka sigurinë kombëtare dhe mbrojtjen e sovranitetit të Shqipërisë!
