Ish-banorja e BBV, Roza Lati, e cila përfundoi rrugëtimin e saj mbrëmë pas një nominimi përballë Françeska Muratit, Heidi Bacit dhe Erjola Doçit, ka folur sot rreth eksperiencës së saj në shtëpi.
Moderatorja e ftuar në ‘Fun Club’ u ndal tek një rrëfim tejet personal që bëri gjatë rrugëtimit të saj në BBV ku tregoi se kishte abortuar një fëmijë, duke thënë edhe arsyen se pse zgjodhi ta tregonte.
Ajo u shpreh se ka dashur që njerëzit ta njohin atë më mirë, ashtu siç ajo është në të vërtetë, ndërsa u shpreh më tej se “doja të njihnin këtë shpirtin tim të vrarë dhe vajzat që janë ndodhur në pozicionin tim, të gjenin forcë nëpërmjet meje’.
“Thjesht kam dashur që të më njohin zemrën, të më njohin si jam unë Roza e vërtetë, siç më njohin miqtë e mi të jashtëm. Të jesh vajzë ekrani mbi të gjitha karakter rebel si puna ime, na kanë përndjekur paragjykimet pa na njohur mirë.
Aq sa më kanë drejtë që moderatorja që flet troç, moderatorja rebele aq më kanë gjykuar edhe për gocë arrogante, menefregiste ndërkohë që unë kam një shpirt shumë të butë dhe jam shumë e dashur.
Jam e ndjeshme dhe e ndërgjegjshme, jam vajzë që mbaj përgjegjësi për gjerat e mia. Doja të më njihnin anën tjetër. Më erdhi ftesa për Big Brother në vitin tim të zi dhe doja të njihnin këtë shpirtin tim të vrarë dhe vajzat që janë ndodhur në pozicionin tim, të gjenin forcë nëpërmjet meje”, tha Roza.
Ndër të tjera, e pyetur rreth ish-partnerit të saj, se si e ka pritur ai rrëfimin e Rozës rreth abortit, moderatorja refuzoi të përgjigjej, duke thënë ‘nuk dua të flas për këtë temë’.
Po ashtu, Roza ka treguar dhe takimin me të ëmën pas eliminimit, ku tha se Rita Lati është shprehur tepër krenare për të.
“Tani që dola, ju mbushën sytë me lot dhe më tha jam shumë krenare për ty. Ke fituar zemrën e publikut më tha. Për mua kjo është arritje, unë e kam fituar Big Brother-in tim”, tha moderatorja.
