Në cilësinë e Presidentit të B40, rrjetit më të madh të qyteteve të Ballkanit, kryebashkiaku Erion Veliaj zhvillioi një vizitë në Sofie ku u takua me homologun e tij Vassil Terziev. Përmes një postimi, Veliaj thekson se u diskutua edhe ideja e fillimit të fluturimeve direkte Tiranë – Sofie.
“Faleminderit kryebashkiakut të Sofies, Vassil Terziev, për mikpritjen dhe përfshirjen aktive në rrjetin B40-të. Entuziast për idenë e një fluturimi të drejtpërdrejtë Tiranë – Sofie, jam i sigurt se Ryanair dhe/ose ëizzair do ta marrin parasysh.
Asnjë udhëtim në Sofje nuk është i plotë pa takuar komunitetin Shqiptaro-Bullgar aty, dhe miq si Elvin Guri (një gur themeli për komunitetin), Vessela Tcherneva (një nga mbrojtëset më të forta për aspiratat e Shqipërisë në BE), si dhe një vizitë në sitin fantastik Campus-X (mezi presim të krijojmë bashkëpunim me Tumo Tirana dhe Piramidën) etj. Faleminderit ekipit tonë të Ambasadës Shqiptare në Bullgari – shumë krenar për ju dhe profesionalizmin tuaj”, shkruan Veliaj.
