Ministrja e Bujqësisë dhe Zhvillimit Rural, Anila Denaj gjatë pranisë në konferencën “Pasojat e ndryshimeve klimatike tek ujërat detar dhe shëndeti human”, vuri theksin tek roli i Ministrisë së Bujqësisë dhe Zhvillimit Rural në orientimin e politikave dhe ndërhyrjeve në formë sa më miqësore me mjedisin dhe resurset tona natyrore.
Me anë të një postimi në rrjetet e saj sociale, Denaj tregohet optimiste për studimet dhe kërkimet shkencore nga universitetet të cilat ndihmojnë në formësimin e politikave tona.
Postimi i Denaj:
Efektet e ndryshimeve klimatike prekin çdo spektër të jetës sonë dhe të natyrës, duke ndikuar negativisht edhe në zinxhirin ushqimor.
Gjatë pranisë në konferencën “Pasojat e ndryshimeve klimatike tek ujërat detar dhe shëndeti human”, organizuar nga universiteti “Zoja e Këshillit të Mirë”, në Tiranë, vura theksin tek roli i Ministrisë së Bujqësisë dhe Zhvillimit Rural në orientimin e politikave dhe ndërhyrjeve në formë sa më miqësore me mjedisin dhe resurset tona natyrore.
Jemi fokusuar në implementimin e politikave dhe objektivave të Zhvillimit të Qëndrueshëm në mënyrë që efektet negative të ndryshimeve klimatike në bujqësi dhe sidomos në sektorin e peshkimit të adresohen që në krye të herës.
Ne besojmë se përmirësimi i legjislacionit të peshkimit do të ndihmojë që infrastruktura detare dhe ajo tokësore që mbështesin këtë sektor dhe të nxisë jo vetëm zhvillimin ekonomik dhe sipërmarrjen, por mbi të gjitha të jetë e dashur me mjedisin.
Optimiste se studimet dhe kërkimet shkencore nga universitetet do të ndihmojnë në formësimin e politikave tona.
#NdryshimetKlimatike#bujqësieqendrushme#ministriaebujqesisedhezhvillimitrural
