HIMARË- Kryetarja e Komanduar e Bashkisë së Himarës, Blerina Bala ka dhënë dorëhqjen. Lajmi konfirmohet nga burime për Report Tv.
“Për arsye personale që kërkojnë kohën dhe vëmendjen time të plotë”, ka thënë Bala.
Më 29 mars Blerina Bala u zgjodh kryetare e komanduar për Himarën nga Këshilli Bashkiak pasi dy kryetarët, Jorgo Goro dhe Fedi Beleri përfunduan në burg.
Himara mbetet sërish pa drejtues, ndërsa sipas ligjit për funksionimin e pushtetit vendor, do të jetë Këshilli Bashkiak i Himarës që do të mblidhet për të votuar dhe komanduar një tjetër kryetar deri sa të mbahen zgjedhjet. Mbledhja pritet të zhvillohet të premten për zgjedhjen e një nga dy nënkryetarët Pervin Gjikuria dhe Arqile Bollano.
