Teksa qëndronte në ambientet e jashtme të fermës me një prej finalistëve, Baby G ka zhvilluar një bisedë teksa është rrëfyer pak më shumë lidhur me jetën e saj personale dhe eksperiencës së saj jetësore. Fermerja tregon se shumë njerëz e kanë lënduar në jetë por ajo kurrë nuk ka ndryshuar.
Teksa tha se asnjëherë nuk ka ndryshuar, ajo theksoi se të gjitha padrejtësitë e bëra ndaj saj kanë qenë si pasojë e tolerancës që fermerja ka patur ndaj të tjerëve
“Nuk është se kam kaluar gjëra shumë të rënda në jetë, kështu them, por pastaj kur e mendoj mua shumë njerëz më kanë lënduar.
Ama një gjë që e kam qejf tek vetja ime dhe e kam qejf të jap një mesazh, është se njerëzit mund të provojnë të na ulin poshtë, sepse jemi njerëz të mirë e kemi zemër të mirë dhe tolerojmë, por kurrë nuk kam ndryshuar”, tha ajo.
